Tennıs: Shvedova Maıamı týrnıriniń ekinshi aınalymyna shyqty
ASTANA. QazAqparat - Qazaqstandyq ıAroslava Shvedova Maıamı (AQSh) týrnıriniń birinshi aınalymynda kezinde álemdik reıtıngte kósh bastaǵan serbııalyq belgili tennısshi Elena ıAnkovıchpen kezdesip, 4:6, 6:4, 7:6 (7:3) esebimen jeńiske jetti, dep habarlaıdy «QazAqparat» HAA tilshisi.
Shampionat.com saıtynan alynǵan málimetke qaraǵanda, 2 saǵat 29 mınýtqa sozylǵan asa tartysty kezdesýde ıAroslava qarsylasy matchbolǵa oınaǵan kezde de berilmeı, óz sheberligin kórsete bildi. Bári de taı-breıkte sheshilip, ıAnkovıch úsh ret qatelik jiberip, óz múmkindigin paıdalana almady.
ıAroslava Shvedova bıyl qatarynan segiz jeńilisten keıin alǵashqy utysyna qol jetkizip otyr. Endi ol ekinshi aınalymda osy týrnırdiń 17-inshi raketkasy bolyp tirkelgen reseılik Anastasııa Pavlıýchenkovamen sheberlik baıqasady.
Aıta keteıik, júlde qory 7 mln. AQSh dollaryna jýyqtaıtyn týrnırde Qazaqstannyń birinshi raketkasy ıÝlııa Pýtıntseva birden ekinshi aınalymnan bastap, germanııalyq Karına Vıtteftpen kortqa shyǵady.
