Tennıs: Shevchenko Chehııadaǵy týrnırdiń shırek fınalyna joldama aldy

ASTANA. KAZINFORM — Qazaqstannyń ekinshi, álemniń 103-raketkasy Aleksandr Shevchenko Prosteev (Chehııa) chellendjer týrnıriniń shırek fınalyna shyqty.

Jarystyń 6-raketkasy bolyp tirkelgen qazaqstandyq tennısshi ekinshi aınalymda dúnıejúzilik reıtıngide 198-orynda turǵan ıspanııalyq Alehandro Moro Kanıastyń meselin qaıyrdy.

A.Shevchenko aıqyn basymdylyq tanytyp, 6:2, 6:2 esebimen jeńiske jetti.

Bir saǵat 15 mınýtqa sozylǵan kezdesýde Shevchenko 3 eıs, 4 breıkpen (10 breık-poınt) kózge tústi. Ispanııalyq sportshy 3 eıspen shekteldi.

Aleksandr Shevchenko jartylaı fınalǵa shyǵý úshin álemniń 225-raketkasy, ýkraınalyq Vıtalıı Sachkomen sheberlik talastyrady. 

Eske sala keteıik, budan buryn Shevchenkonyń Chehııadaǵy jarysta jergilikti tennısshiden basym túskenin jazǵan bolatynbyz.