TENNIS: Serena Ýılıams Bostadtaǵy týrnırde jaraqattanyp qaldy
ASTANA. QazAqparat - "Álemniń birinshi raketkasy" amerıkalyq tennısshi Serena Ýılıamstyń shyntaǵy jaraqattanyp, shvetsııalyq Bostadtaǵy týrnırdegi synyn toqtatty.
Bul týraly 33 jastaǵy sportshy Facebook-tegi paraqshasynda jazdy. "Shyntaq jaraqatyn emdeý úshin maǵan ýaqyt kerek, - dedi ol. - Jazdyń sońynda deıin tolyq saýyǵyp ketetinime senimdimin. Jaǵdaıymdy qalypqa keltirýge ýaqyt kerek. Sondyqtan aldaǵy aptada oıyndarǵa qatyspaýǵa májbúrmin".
11 shildede Serena Ýılıams Ýımbldonda «Úlken dýlyǵa» tórtinshi týrnırinde jeńiske jetti. Kúntizbelik «Úlken dýlyǵaǵa» qol jetkizý úshin oǵan tamyz aıynyń sońynda bastalatyn AQSh ashyq chempıonatynda jeńimpaz atanýy kerek.
Kúntizbelik «Úlken dýlyǵany» úsh tennısshi ǵana utyp alǵan. Olar Morın Konnolı (1953 jyly), Margaret Kort 1970 jyly) jáne Shteffı Graf (1988 jyly).
