Tennıs: Sandýǵash Kenjebaeva Qytaıdaǵy jarystyń fınalynda ese jiberdi

ASTANA. KAZINFORM — Qazaqstandyq tennısshi Sandýǵash Kenjebaeva juptyq synda Maanshan (Qytaı) ITF W15 týrnıriniń fınalynda óner kórsetti. 

Sheshýshi básekede qazaqstandyq sportshy reseılik Sofıa Lanseremen birge týrnırdiń 2-raketkalary, taılyq Peangtarn Plıpýek — qytaılyq Tszıatsı Vanmen chempıondyq ataqty sarapqa saldy. 

Kenjebaeva S.Lanseremen birge mamyr aıynda osy dodada chempıon atanǵan edi. Bul joly tartysty órbigen birinshi partııada qazaqstandyq-reseılik jup taı-breıkte tabandylyq tanytty – 7:6 (8:6).

Ekinshi sette taılyq-qytaılyq dýet ese qaıyrdy - 6:4. Sodan keıin sýper taı-breıkte sátti oınady - 10:4.

Fınaldyq match eki saǵatqa jýyq ýaqytqa sozyldy.

Eske sala keteıik, budan buryn Sandýǵash Kenjebaevanyń Qytaıdaǵy týrnırdiń fınalynda oınaıtynyn jazǵan edik.