Tennıs: Rybakına juptyq synda Rolan Garros týrnıriniń úshinshi aınalymyna ótti
NUR-SULTAN. QazAqparat – Qazaqstannyń birinshi, álemniń 22-raketkasy Elena Rybakına juptyq synda reseılik Anastasııa Pavlıýchenkovamen birge Rolan Garros týrnıriniń úshinshi aınalymyna ótti, dep habarlaıdy QazAqparat tilshisi.
Qazaqstandyq-reseılik jup ekinshi aınalymda aýstralııalyqtar Storm Sanders – Aıla Tomlıanovıchpen kúsh synasty.
E.Rybakına men A.Pavlıýchenkova eki sette 6:2, 6:2 esebimen jeńiske jetti. Olar match barysynda 1 eıs jasap, 7 breık-poınttyń beseýin paıdalandy. Qarsylastary 1 breıkpen shekteldi.
Báseke 58 mınýtqa sozyldy.
Qazaqstandyq-reseılik jup shırek fınalǵa shyǵý úshin Frantsııa ashyq chempıonatynyń 3-raketkalary, amerıkalyq Nıkol Melıchar – nıderlandylyq Demı Shıýrspen talasady. Bul jup osynyń aldynda taǵy bir qazaqstandyq ıÝlııa Pýtıntseva men rýmynııalyq Andrea Mıtýdi jeńip ketken edi. Al Zarına Dııas pen reseılik Varvara Gracheva Polsha ókili Magda Lınett – amerıkalyq Bernarda Peraǵa ese jiberip, úshinshi aınalymǵa shyǵa almady.
Eske sala keteıik, budan buryn Elena Rybakınanyń jekeleı synda Rolan Garros týrnıriniń tórtinshi aınalymyna shyqqanyn, Almatyda ótetin týrnırde qazaqstandyqtardyń qarsylastary anyqtalǵanyn jazǵan bolatynbyz.
