Tennıs: Rybakına ıÝrmala týrnıriniń shırek fınalyna shyǵa almady
NUR-SULTAN. QazAqparat – Qazaqstandyq Elena Rybakına ıÝrmala (Latvııa) WTA týrnıriniń shırek fınalyna shyǵa almady, dep habarlaıdy QazAqparat tilshisi.
Álemniń 65-raketkasy E.Rybakına ekinshi aınalymda reıtıngte 74-satydaǵy amerıkalyq Bernarda Peramen kúsh synasty.
Matchty sátti bastaǵan qazaqstandyq tennısshi birinshi partııany óz esebine jazdy – 6:4.
Áıtse de sodan keıin qarsylasyna 0:6, 2:6 esebimen ese jiberdi.
Báseke 1 saǵat 37 mınýtqa sozyldy.
Osylaısha E.Rybakına júlde qory 250 myń eýro bolatyn ıÝrmala týrnıriniń shırek fınalyna shyǵa almaı qaldy.
Esesine erler arasynda qazaqstandyqtar Andreı Golýbev pen Aleksandr Nedovesov juptyq synda Praga chellendjer týrnırin sátti ótkizýde.
Qazaqstandyq jup áýeli lıtvalyq Laýrınas Grıgelıs pen Nıderlandy ókili Mark Vervortty 6:2, 7:6 (7:2) esebimen tize búktirdi. Sodan keıin aýstralııalyq Skott Pýdzıýnas pen taǵy bir nıderlandylyq Ielle Selsti 6:4, 7:6 (7:0) esebimen jeńdi.
Jýyrda juptyq synda Nur-Sultan týrnıriniń jeńimpazy atanǵan Golýbev pen Nedovesov Praga jarysynyń fınalyna shyǵý úshin germanııalyq Andre Begemann men rýmynııalyq Florın Merdjamen talasady.
Eske sala keteıik, budan buryn Elena Rybakınanyń ıÝrmala týrnırin jeńispen bastap, Aleksandr Býblıktiń Atlantada alǵashqy aınalymnan asa almaǵanyn jazǵan bolatynbyz.
