Tennıs: Rybakına Ystanbul týrnıriniń ekinshi aınalymyna shyqty
NUR-SULTAN. QazAqparat - Qazaqstandyq tennısshi Elena Rybakına Ystanbul týrnıriniń ekinshi aınalymyna shyqty, dep habarlaıdy QazAqparat tilshisi.
Іrikteý saıystaryn sátti ótkizip, negizgi jarysqa joldama alǵan qazaqstandyq sportshy alǵashqy aınalymda álemniń 41-raketkasy, chehııalyq Katerına Sınıakovamen kúsh synasty.
K.Sınıakova osy týrnırdiń 7-raketkasy bolyp tirkelse, 19 jasar E.Rybakına álemdik reıtıngte 161-satyda edi.
Birinshi partııada 22 jasar K.Sınıakova 6:3 esebimen jeńiske jetti.
Ekinshi sette E.Rybakına ese qaıyrdy - 6:2.
Úshinshi, sheshýshi partııada qazaqstandyq sportshy 1:4 esebimen jeńilip jatty. Degenmen osydan keıin oıyn tizginin qolyna alǵan Elena qatarynan bes geımdi óz esebine jazdy - 6:4.
Tartysty báseke eki saǵattan astam ýaqytqa sozyldy.
E.Rybakına ekinshi aınalymda álemniń 52-raketkasy, frantsııalyq Polın Parmante nemese reseılik, reıtınggte 69-orynda turǵan Evgenııa Rodınanyń bireýimen sheberlik baıqasady.
Júlde qory 250 myń AQSh dollaryna baǵalanǵan Ystanbul týrnıri 28 sáýirde aıaqtalyp, jeńimpaz anyqtalady.
Eske sala keteıik, budan buryn E.Rybakınanyń Ystanbuldyń negizgi týrnırine joldama alǵanyn, al Qazaqstan áıelder quramasynyń Londonda ulybrıtanııalyqtardan jeńilip qalǵanyn jazǵan bolatynbyz.
Erler arasynda Dmıtrıı Popko AQSh-taǵy týrnırdiń jeńimpazy atansa, Qazaqstannyń birinshi raketkasy Mıhaıl Kýkýshkın Býdapesht týrnıriniń ekinshi aınalymyna óte almady.
