Tennıs: Rybakına US Open týrnıriniń irikteý saıysyn sátti bastady
NUR-SULTAN. QazAqparat – Qazaqstandyq, álemniń 67-raketkasy Elena Rybakına US Open týrnıriniń irikteý saıysyn sátti bastady, dep habarlaıdy QazAqparat tilshisi.
Іrikteý saıystarynyń 1-raketkasy bolyp tirkelgen 20 jasar E.Rybakına bastapqy kezdesýin álemdik reıtıngte 457-orynda turǵan amerıkalyq Emma Navarromen ótkizdi.
Birden oıyn tizginin qolǵa alǵan qazaqstandyq tennısshi 6:1, 6:1 esebimen qarsylasyn ońaı jeńdi.
Báseke 49 mınýtqa sozyldy.
E.Rybakına irikteý saıystarynyń jartylaı fınalynda reıtıngte 224-oryndaǵy aýstralııalyq, 29 jasar tájirıbeli Arına Rodıonovamen (ol da burynǵy reseılik) sheberlik baıqasady.
«Úlken dýlyǵa» týrnıriniń biri – AQSh-tyń ashyq chempıonaty 26 tamyzda bastalyp, eki aptaǵa sozylady. Bul aıtýly dodanyń erler arasyndaǵy irikteý saıysyna Qazaqstannan reıtıngte 225-orynda turǵan Aleksandr Nedovesov qatysady. Onyń qarsylasy – álemniń 185-raketkasy, portýgalııalyq Joao Domıngesh.
Qazaqstannyń birinshi, álemniń 39-raketkasy ıÝlııa Pýtıntseva Nıý-Iorkta Bronks týrnıriniń alǵashqy aınalymynan asa almady. Ol reıtıngte 131-satydaǵy qytaılyq Lın Chjýdan 6:7 (2:7), 4:6 esebimen jeńilip qaldy.
Taǵy bir qazaqstandyq, álemniń 75-raketkasy Aleksandr Býblık Ýınston-Seılemde reıtıngte 67-oryndaǵy ıtalııalyq Marko Chekkınatomen kortqa shyǵady.
Eske sala keteıik, budan buryn ıÝ.Pýtıntseva men Zarına Dııastyń Tsıntsınnatı týrnıriniń úshinshi aınalymyna óte almaǵanyn jazǵan bolatynbyz.
