Tennıs: Rybakına Ýımbldonnyń negizgi týrnırine shyǵa almady

Álemniń 111-raketkasy, 20 jasar E.Rybakına irikteý saıystarynyń fınalynda dúnıejúzilik reıtıngte 140-orynda turǵan reseılik Varvara Flınkpen kezdesti.

Birinshi partııany reseılik sportshy óz paıdasyna jazdy - 6:3.

Ekinshi sette esesine qazaqstandyq tennısshi breıkpen alǵa shyqty - 2:0. Degenmen V.Flınk qaıyra breık jasap, tarazy basyn teńestirdi - 2:2. Esep 4:4 bolǵan sátte E.Rybakına taǵy bir breıkke qol jetkizdi - 5:4. Sodan keıin ózi dop bergende, esesin jibermedi - 6:4.

Úshinshi, sheshýshi sette esep 3:3 bolǵan mezette qazaqstandyq tennısshi breık jasaı aldy - 4:3. Óz geıminde qarsylasynyń qos birdeı breık-poıntty paıdalanýyna múmkindik bergen joq - 5:3. Degenmen matchqa dop bergende, qarsylasy breık jasap, esepti teńestirip ketti - 5:5. Tennısshiler breıkpen almasty - 6:6. Aqyry taǵy bir breık jasaǵan V.Flınk jeńiske jetti - 8:6.

Asa tartysty báseke 2 saǵat 13 mınýtqa sozyldy.

Budan buryn E.Rybakına bıyl alǵash ret «Úlken dýlyǵa» týrnıri - «Rolan Garros» jarysynyń irikteý saıystarynan sátti ótip, negizgi dodaǵa joldama alǵan edi. Bul jolǵy qadamy sátsiz boldy.

Osylaısha 1-14 shilde aralyǵynda ótetin Ýımbldon týrnırinde Qazaqstannan jekeleı synda ıÝlııa Pýtıntseva men Zarına Dııas jáne erler arasynda Mıhaıl Kýkýshkın men Aleksandr Býblık óner kórsetedi.

Buǵan deıin Z.Dııas 2014 jáne 2015 jyldary Ýımbldon jarysynyń tórtinshi aınalymyna deıin jetken edi. Ótken jyly ıÝlııa Pýtıntseva men Mıhaıl Kýkýshkın ekinshi aınalymnan asa almasa, Z.Dııas pen A.Býblık oǵan qatyspaǵan edi. Bıyl qazaqstandyq tennısshiler ótken jylǵy kórsetkishterin jaqsartsa, upaılary kóbeıip, reıtıngte joǵarylaı alady.

2018 jyly germanııalyq Anjelıka Kerber chempıon atansa, erlerden serbııalyq Novak Djokovıchtiń asyǵy alshysynan túsken edi.

Eske sala keteıik, budan buryn E.Rybakınanyń Ýımbldon týrnıriniń irikteý saıysyn sátti bastap, keshe fınalyna shyqqanyn jazǵan bolatynbyz.