Tennıs: Rybakına Ýımbldon týrnıriniń irikteý saıysyn sátti bastady
NUR-SULTAN. QazAqparat - Qazaqstandyq Elena Rybakına Ýımbldon týrnıriniń irikteý saıysyn sátti bastady, dep habarlaıdy QazAqparat tilshisi.
Jýyrda 20-ǵa tolǵan álemniń 111-raketkasy E.Rybakına bastapqy kezdesýin reıtıngte 195-satydaǵy aýstralııalyq Ellen Perespen ótkizdi.
Birinshi partııada qazaqstandyq sportshy qarsylasyn bet qaratpaı utty deýge bolady - 6:1.
Ekinshi sette E.Peres 4:1 esebimen alǵa shyqty. Budan keıin qatarynan bes geımdi alǵan E.Rybakına matchty jeńispen túıindedi - 6:4.
E.Rybakına irikteý saıystarynyń jartylaı fınalynda álemniń 176-raketkasy, Nıderlandy eliniń ókili Rıshel Hogenkamp nemese reıtıngte odan eki saty tómen turǵan bolgarııalyq Vıktorııa Tomovanyń bireýimen sheberlik baıqasady.
Іrikteý saıystarynyń jeńimpazdary osy aptada belgili bolyp, 1 shilde kúni bastalatyn negizgi týrnırge joldama alady.
Ýımbldon jarysy - jyl saıyn ótetin tórt «Úlken dýlyǵa» týrnıriniń biri.
Eske sala keteıik, budan buryn ıÝlııa Pýtıntsevanyń Istbýrn týrnıriniń ekinshi aınalymyna shyqqanyn, al Zarına Dııastyń osy jarysta jeńilip qalǵanyn jazǵan bolatynbyz.
