Tennıs: Rybakına Ýhan týrnıriniń úshinshi aınalymyna shyqty
NUR-SULTAN. QazAqparat – Qazaqstandyq Elena Rybakına Ýhan týrnıriniń úshinshi aınalymyna shyqty, dep habarlaıdy QazAqparat tilshisi.
E.Rybakına ekinshi aınalymda Týnıs eliniń ókili Ons Jabermen sheberlik baıqasty.
Qazaqstandyq tennısshi álemdik reıtıngte 50-orynda tursa, qarsylasy odan tórt saty tómen edi.
Birinshi partııada E.Rybakına aıqyn basymdylyq kórsetti – 6:1.
Ekinshi sette de 4:3 esebimen alǵa shyqqan edi. Alaıda týnıstik sportshy da breık jasap, tarazy basyn teńestirip ketti. Taı-breıkte O.Jaberdiń joly boldy – 7:6 (7:3).
Úshinshi, sheshýshi partııany E.Rybakına jeńispen aıaqtaı bildi – 6:2.
Báseke 1 saǵat 52 mınýtqa sozyldy.
E.Rybakına júlde qory 2,828 mln AQSh dollaryna baǵalanǵan jarystyń shırek fınalyna shyǵý úshin kezinde reıtıng kóshin bastaǵan, osy týrnırdiń tórtinshi, álemniń 6-raketkasy, rýmynııalyq Sımona Haleppen kezdesedi.
Eske sala keteıik, budan buryn E.Rybakınanyń Ýhan týrnırin sátti bastaǵanyn, al ıÝlııa Pýtıntsevanyń alǵashqy aınalymnan asa almaǵanyn jazǵan bolatynbyz.
