Tennıs: Rybakına Shenchjen týrnıriniń ekinshi aınalymyna shyqty
NUR-SULTAN. QazAqparat – Qazaqstandyq Elena Rybakına Shenchjen WTA týrnırin jeńispen bastady, dep habarlaıdy QazAqparat tilshisi.
Dúnıejúzilik reıtıngide 36-orynda turǵan, osy týrnırdiń 7-raketkasy E.Rybakına alǵashqy aınalymda qytaılyq Chjen Saısaımen kúsh synasty.
Álemniń úzdik elý tennısshisiniń qataryna kiretin Ch.Saısaı –20 jastaǵy E.Rybakınadan bes jas úlken, tájirıbesi mol sportshy.
Birinshi partııada qazaqstandyq tennısshi qarsylasyn aıqyn basymdylyqpen uta bildi – 6:2.
Esesine ekinshi sette qytaılyq sportshy qarymta qaıyrdy – 6:1.
Úshinshi, sheshýshi partııada esep 2:2 bolǵan mezette E.Rybakına breık jasap, alǵa shyqty. Taǵy bir breıkke qol jetkizgen ol matchty jeńispen támamdaı aldy – 6:2.
Báseke eki saǵatqa jýyq ýaqytqa sozyldy.
E.Rybakına Shenchjen týrnıriniń (júlde qory – 775 myń AQSh dollary) ekinshi aınalymynda taǵy bir qytaılyq Van ıAfanmen kezdesedi.
Osynyń aldynda Gonkong týrnırinde jeńimpaz atanǵan Zarına Dııas Shenchjende erteń qytaılyq Dýan Inınmen sheberlik baıqasady.
Eske sala keteıik, budan buryn ıÝ.Pýtıntsevanyń Brısbende negizgi týrnırge joldama alǵanyn jazǵan bolatynbyz.
