Tennıs: Rybakına «Rolan Garrostyń» negizgi týrnırine joldama aldy
NUR-SULTAN. QazAqparat - Qazaqstandyq tennısshi Elena Rybakına «Rolan Garrostyń» negizgi týrnırine joldama aldy, dep habarlaıdy QazAqparat tilshisi.
Qazaqstandyq tennısshi irikteý saıystarynyń fınalynda japonııalyq Nao Hıbınomen kezdesti.
E.Rybakına dúnıejúzilik reıtıngte 139-orynda bolsa, qarsylasy 123-satyda edi.
Qazaqstandyq tennısshi qarsylasyn 7:5, 7:5 esebimen utty.
Báseke 1 saǵat 21 mınýtqa sozyldy.
Osylaısha E.Rybakına negizgi týrnırge ótti.
Osyǵan deıin «Rolan Garros» týrnıriniń irikteý saıysynyń fınalyna shyqqanyn jazǵan bolatynbyz.
