Tennıs: Rybakına Rım týrnırin jeńispen bastady
NUR-SULTAN. QazAqparat – Qazaqstannyń birinshi, álemniń 18-raketkasy Elena Rybakına Rım WTA týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi bastapqy kezdesýin Reseıdiń birinshi, álemniń 31-raketkasy Ekaterına Aleksandrovamen ótkizdi.
E.Rybakına bıyl Qytaıdaǵy Shenchjen týrnıriniń fınalynda jáne AQSh-taǵy Tsıntsınnatı jarysynyń alǵashqy aınalymynda E.Aleksandrovadan utylyp qalǵan edi.
Bul joly báseke basqasha órbip, E.Rybakına birinshi sette qarsylasyn tas-talqan etti – 6:0. Ekinshisinde de 6:4 esebimen meselin qaıyrdy.
Bar bolǵany 1 saǵat 1 mınýtqa sozylǵan matchta osy dodanyń 10-raketkasy bolyp tirkelgen qazaqstandyq tennısshi 6 breık jasasa, reseılik sportshy bir ǵana breıkpen jaýap qaıyrdy.
Osylaısha buǵan deıin E.Aleksandrovadan eki márte jeńilis tapqan E.Rybakına qarymta qaıtara aldy. Ol úshinshi aınalymǵa shyǵý úshin álemniń 47-raketkasy, chehııalyq Marııa Boýzkova nemese reıtıngte 63-satydaǵy aýstralııalyq Aıla Tomlıanovıchtiń bireýimen talasady.
Taǵy bir qazaqstandyq, álemniń 30-raketkasy ıÝlııa Pýtıntseva alǵashqy aınalymda reıtıngte 49-oryndaǵy shvetsııalyq Rebekka Petersonmen sheberlik baıqasady.
Erler arasynda Mıhaıl Kýkýshkın Rımde irikteý saıystarynyń fınalynda germanııalyq Domınık Kepferden 6:2, 4:6, 2:6 esebimen jeńilip, negizgi týrnırge óte almaı qaldy.
Al álemniń 54-raketkasy Aleksandr Býblık alǵashqy aınalymda reıtıngte 38-oryndaǵy US Open týrnıriniń 2014 jylǵy chempıony, horvatııalyq Marın Chılıchpen kortqa shyǵady.
Eske sala keteıik, M.Kýkýshkın Rımde irikteý saıystarynyń fınalyna shyqty. ıÝ.Pýtıntseva reıtıngide úzdik otyzdyqqa ilikti.
