Tennıs: Rybakına men Pýtıntsevanyń Melbýrn týrnırindegi qarsylastary anyqtaldy
NUR-SULTAN. QazAqparat – 3 aqpan kúni Melbýrnde Grampians Trophy WTA 500 týrnıri bastalady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, bul jarys Aýstralııada qatań karantınde bolǵan tennısshiler úshin arnaıy uıymdastyrylyp otyr.
Dodada Qazaqstannan Elena Rybakına men ıÝlııa Pýtıntseva baq synaıdy. Reıtıngisi joǵary bolǵandyqtan, E.Rybakına jarysty ekinshi aınalymnan bastaıdy. Ol amerıkalyq Loren Devıs nemese chehııalyq Barbora Kreıchıkovanyń qaı jeńgenimen kortqa shyǵady.
ıÝ.Pýtıntseva alǵashqy aınalymdaǵy kezdesýin ıspanııalyq Djeordjına Garsııa Perespen ótkizedi.
Melbýrnda osy merzimde áıelder arasynda taǵy eki jarys ótýde. Qazaqstandyq Zarına Dııas Gippsland Trophy WTA 500 týrnırine qatysýdan bas tartty.
«Iá, jarysqa qatyspadym, degenmen bári qalypty. Іshimniń azdap aýyrǵany bolmasa, pálendeı eshteńe joq. Aýstralııa ashyq chempıonatyna daıyndalamyn», dedi Z.Dııas.
Bul dodada Zarınanyń ornyna shyqqan rýmynııalyq Monıka Nıkýleský germanııalyq Laýra Zıgemýndtan 5:7, 4:6 esebimen jeńilip qaldy.
Eske sala keteıik, budan buryn ıAroslava Shvedovanyń Melbýrn týrnırinde jeńilip qalǵanyn, al Aleksandr Nedovesovtiń Antalııada jeńimpaz atanǵanyn jazǵan bolatynbyz.
