Tennıs: Rybakına men Pýtıntseva Melbýrnda utylyp qaldy
NUR-SULTAN. QazAqparat – Qazaqstandyqtar Elena Rybakına men ıÝlııa Pýtıntseva Melbýrnda ótip jatqan Grampians Trophy WTA 500 týrnıriniń shırek fınalyna shyǵa almady, dep habarlaıdy QazAqparat tilshisi.
Qazaqstannyń birinshi, álemniń 19-ynshy, osy jarystyń 4-raketkasy E.Rybakına ekinshi aınalymda álemdik reıtıngte 66-oryndaǵy chehııalyq Barbora Kreıchıkovamen sheberlik baıqasty.
Birinshi partııany qazaqstandyq tennısshi breıktiń nátıjesinde óz esebine jazdy – 6:4.
Ekinshi sette esep 1:1 bolǵan mezette B.Kreıchıkova breık jasap ketti – 2:1. Ol óz múmkindigin múlt jibergen joq – 6:2.
Sheshýshi taı-breıkte B.Kreıchıkova eptilik kórsetti – 10:6.
Chehııalyq sportshy jarystyń jartylaı fınalyna shyǵý úshin álemniń 24-raketkasy, amerıkalyq Djennıfer Breıdı nemese reıtıngte 78-orynda turǵan, ýkraınalyq 18 jastaǵy Marta Kostıýktyń bireýimen talasady.
Dúnıejúzilik reıtıngte 28-orynda turǵan ıÝlııa Pýtıntseva osy dodanyń ekinshi aınalymynda Aýstralııa ashyq chempıonatynyń eki márte jeńimpazy, álemniń 13-inshi, osy dodanyń 3-raketkasy, Belarýs ókili Vıktorııa Azarenkomen kezdesti.
Matchty óte sátti bastaǵan qazaqstandyq tennısshi 4:0 esebimen alǵa shyqty. Alaıda budan keıin V.Azarenko qatarynan alty geımdi aldy – 6:4.
Ekinshi sette de ıÝ.Pýtıntseva alǵa ketti – 2:0. Aqyry aıqyn basymdylyq tanyta aldy – 6:1.
Taı-breıkte V.Azarenko jeńisti julyp aldy – 11:9.
Belarýs tennısshisi shırek fınalda álemniń 23-raketkasy, estonııalyq Anett Kontaveıt nemese reıtıngte 339-satydaǵy amerıkalyq Betanı Mattek-Sendstiń bireýimen kortqa shyǵady.
Eske sala keteıik, budan buryn Aýstralııa ashyq chempıonatynyń keıinge qaldyrylmaıtynyn, Aleksandr Nedovesovtiń Antalııa týrnıriniń jartylaı fınalyna shyqqanyn jazǵan bolatynbyz.
Al Aleksandr Býblık Melbýrn týrnıriniń shırek fınalyna shyǵa almady.
