Tennıs: Rybakına Lıýksembýrg týrnıriniń ekinshi aınalymyna shyqty
NUR-SULTAN. QazAqparat – Qazaqstandyq Elena Rybakına Lıýksembýrg WTA týrnıriniń ekinshi aınalymyna shyqty, dep habarlaıdy QazAqparat tilshisi.
Álemniń 43-raketkasy E.Rybakına alǵashqy kezdesýin dúnıejúzilik reıtıngte 150-orynda turǵan frantsııalyq Hloe Pakemen ótkizdi.
H.Pake negizgi jarysqa irikteý saıystarynan keıin qosylsa, qazaqstandyq tennısshi týrnırdiń 3-raketkasy bolyp tirkelgen edi.
Birinshi partııada E.Rybakına aıqyn basymdylyq kórsetti – 6:2.
Ekinshi set taı-breıkke deıin jetip, onda da qazaqstandyq sportshy óz múmkindigin jibergen joq – 7:6 (7:2).
Báseke 1 saǵat 28 mınýtqa sozyldy.
E.Rybakına júlde qory 226,4 myń AQSh dollaryna baǵalanǵan dodanyń shırek fınalyna shyǵý úshin reıtıngte 247-satydaǵy chehııalyq Denısa Allertovamen talasady.
Eske sala keteıik, budan buryn M.Kýkýshkınniń «Kreml kýbogyn» jeńispen bastaǵanyn jazǵan bolatynbyz.
