Tennıs: Rybakına Lınts týrnıriniń shırek fınalyna shyqty
NUR-SULTAN. QazAqparat – Qazaqstandyq Elena Rybakına Aýstrııadaǵy Lınts WTA týrnıriniń shırek fınalyna shyqty, dep habarlaıdy QazAqparat tilshisi.
Álemniń 43-raketkasy E.Rybakına ekinshi aınalymda dúnıejúzilik reıtıngte 166-orynda turǵan germanııalyq Anna-Lena Frıdzammen kezdesti.
Birinshi partııada qazaqstandyq tennısshi 6:3 esebimen utsa, ekinshisinde qarsylasy ese qaıyrdy – 7:5.
Úshinshi, sheshýshi sette E.Rybakına tarazy basyn ózine aýdara bildi – 6:4.
Tartysty báseke 2 saǵat 11 mınýtqa sozyldy.
E.Rybakına Lınts dodasynyń (júlde qory – 250 myń AQSh dollary) jartylaı fınalyna shyǵý úshin álemniń 57-raketkasy, frantsııalyq Alıze Korne nemese reıtıngte 72-oryndaǵy latvııalyq Elena Ostapenkonyń bireýimen talasady.
Eske sala keteıik, budan buryn ıÝlııa Pýtıntsevanyń Tıantszın týrnıriniń shırek fınalyna shyqqanyn, al Mıhaıl Kýkýshkınniń Shanhaıda utylyp qalǵanyn jazǵan bolatynbyz.
