Tennıs: Rybakına Qytaıdaǵy týrnırdiń fınalynda jeńilip qaldy
NUR-SULTAN. QazAqparat – Qazaqstandyq Elena Rybakına Qytaıdaǵy Shenchjen WTA týrnıriniń fınalynda jeńilip qaldy, dep habarlaıdy QazAqparat tilshisi.
E.Rybakına fınalda reseılik Ekaterına Aleksandrovamen sheberlik baıqasty.
E.Aleksandrova álemdik reıtıngte 34-orynda bolsa, qazaqstandyq tennısshi 36-satyda edi. Aldaǵy dúısenbide ekeýi de óz elderiniń birinshi raketkasy atanady.
Birinshi partııada reseılik sportshy 4:0 esebimen alǵa ketti. Budan keıin Elena esepti qysqarta aldy – 2:4. Biraq E.Aleksandrova ese jibermedi – 6:2.
Ekinshi sette E.Rybakına 4:2 esebimen alǵa shyqqanymen, sol múmkindigin paıdalana almady. Qatarynan tórt geımdi alǵan E.Aleksandrova jeńiske jetti – 6:4.
Báseke 1 saǵat 14 mınýtqa sozyldy.
Bul reseılik tennısshiniń WTA týrnırlerindegi alǵashqy jeńisi edi. Al E.Rybakına ótken jyly Býhareste úzdik shyqqan bolatyn.
Qazaqstandyq tennısshi aldaǵy aptada Hobart (Aýstralııa) WTA jarysyna qatysady. Demek, aldaǵy dúısenbide úzdik otyz tennısshiniń qataryna kiretin E.Rybakınanyń óz reıtıngisin jaqsartatyndaı múmkindigi mol.
Eske sala keteıik, budan buryn Elena Rybakınanyń Qytaıdaǵy týrnırdiń fınalyna shyqqanyn, al ıÝlııa Pýtıntsevanyń Adelaıda jarysyn jeńispen bastaǵanyn jazǵan bolatynbyz.
