Tennıs: Rybakına Hertogenbosta negizgi týrnırge joldama aldy
NUR-SULTAN. QazAqparat - Qazaqstandyq tennısshi Elena Rybakına Hertogenbosta (Nıderlandy) WTA-nyń negizgi týrnırine joldama aldy, dep habarlaıdy QazAqparat tilshisi.
Dúnıejúzilik reıtıngte 141-orynda turǵan E.Rybakına irikteý saıystarynyń fınalynda álemniń 113-raketkasy, amerıkalyq Krıstına Makheılmen kezdesti.
Qazaqstandyq tennısshi birinshi partııada 6:2 esebimen jeńiske jetti.
Tartysty órbigen ekinshi sette taı-breıkte basymdylyq tanytty - 7:6 (7:5).
Báseke 1saǵat 27 mınýtqa sozyldy.
Elena irikteý saıystarynyń jartylaı fınalynda álemniń 246-raketkasy, chehııalyq Barbora Shtefkovany 7:6 (7:5), 6:0 esebimen jeńgen bolatyn.
E.Rybakınanyń negizgi týrnırdegi qarsylasy keıin anyqtalady.
Qazaqstannyń birinshi, álemniń 28-raketkasy ıÝlııa Pýtıntseva Nottıngem (Ulybrıtanııa) WTA týrnırinde baq synaıdy. Ol alǵashqy aınalymda reıtıngte 142-oryndaǵy rýmynııalyq Monıka Nıkýleskýmen kortqa shyǵady.
Kógal tósenishinde ótetin bul eki jarys ta Ýımbldon týrnıri aldyndaǵy daıyndyq bolyp esepteledi.
