Tennıs: Rybakına Hertogenbos týrnıriniń ekinshi aınalymyna shyqty
NUR-SULTAN. QazAqparat - Qazaqstandyq tennısshi Elena Rybakına Hertogenbos (Nıderlandy) týrnıriniń ekinshi aınalymyna shyqty, dep habarlaıdy QazAqparat tilshisi.
Negizgi týrnırge irikteý saıystarynan keıin qosylǵan qazaqstandyq sportshy alǵashqy aınalymda amerıkalyq Varvara Lepchenkomen kúsh synasty.
Jýyrda 20-ǵa tolatyn E.Rybakına búgin jańartylǵan reıtıngte 141-den 134-satyǵa kóterilse, 33 jastaǵy tájirıbeli V.Lepchenko 127-orynda edi.
Birinshi partııada qazaqstandyq tennısshi qarsylasyn bet qaratqan joq - 6:1.
Ekinshi sette de basymdyǵy aıqyn kórindi - 6:2.
Báseke bir saǵattan sál astam ýaqytqa sozyldy.
E.Rybakına júlde qory 250 myń eýroǵa baǵalanǵan Hertogenbos týrnıriniń ekinshi aınalymynda álemniń 55-raketkasy, belgııalyq Elıson Van Eıtvank nemese 57-satydaǵy qytaılyq Van ıAfannyń bireýimen kezdesedi.
Atalmysh jarys 16 maýsym kúni márege jetedi.
Taǵy bir qazaqstandyq Aleksandr Býblık Shtýtgartta negizgi týrnırge shyǵa almady. Ol búgin irikteý saıystarynyń fınalynda álemniń 108-raketkasy, ıspanııalyq Felısıano Lopeske 5:7, 4:6 esebimen ese jiberdi.
Dúnıejúzilik reıtıngte Mıhaıl Kýkýshkın men A.Býblık óz kórsetkishterin jaqsartyp, sáıkesinshe 51-den 47-ge, 91-den 85-orynǵa joǵarylady. Aleksandr Nedovesov 189-dan 194-ke tómendedi.
Áıelder arasynda «Rolan Garros» týrnıriniń alǵashqy aınalymynda súringen ıÝlııa Pýtıntseva 28-den birden 43-satyǵa syrǵydy. Zarına Dııas 99-dan 101-orynǵa jaıǵasty.
Eske sala keteıik, budan buryn E.Rybakınanyń Hertogenbosta negizgi jarysqa joldama alǵanyn, al ıspanııalyq Rafael Nadaldyń «Rolan Garros» týrnırin 12-márte utqanyn jazǵan bolatynbyz.
