Tennıs: Rybakına Dohada tartysty matchta qarsylasyna ese jiberdi
NUR-SULTAN. QazAqparat - Qazaqstannyń birinshi, álemniń 23-raketkasy Elena Rybakına Doha WTA 500 týrnıriniń ekinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi alǵashqy aınalymda álemniń 56-raketkasy, germanııalyq Laýra Zıgemýndpen kezdesti.
Birinshi partııada germanııalyq sportshynyń taı-breıkte joly boldy - 7:6 (9:7).
L.Zıgemýnd ekinshi sette esep 3:3 bolǵan mezette breıkpen alǵa ketti. Áıtse de esep 5:3 bolyp, matchqa dop bergende, sol múmkindigin paıdalana almady. Degenmen ol taǵy da taı-breıkte jeńisti julyp aldy - 7:6 (7:5).
Asa tartysty ótken báseke 2 saǵat 31 mınýtqa sozyldy.
L.Zıgemýnd shırek fınalǵa shyǵý úshin álemniń 14-raketkasy, Belarýs ókili Vıktorııa Azarenkomen talasady.
Jýyrda Adelaıda dodasynda dál osy germanııalyq tennısshini taǵy bir qazaqstandyq ıÝlııa Pýtıntseva utqan bolatyn. ıÝlııa búıregine ota jasatqandyqtan, Doha jarysyna qatysa almady.
Eske sala keteıik, budan buryn Tımofeı Skatovtyń Nur-Sultan týrnıriniń ekinshi aınalymyna ótkenin jazǵan bolatynbyz.
