Tennıs: Rybakına Tsıntsınnatı týrnıriniń ekinshi aınalymyna ótti
NUR-SULTAN. QazAqparat – Qazaqstannyń birinshi, álemniń 19-raketkasy, Tokıo Olımpıadasynyń jartylaı fınalısi Elena Rybakına Tsıntsınnatı WTA 1000 týrnırin sátti bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda reıtıngte 186-orynda turǵan 37 jastaǵy aýstralııalyq US Open týrnıriniń 2011 jylǵy jeńimpazy Samanta Stosýrmen kezdesti.
Qarsylastar shilde aıynda Tokıo Olımpıadasynda oınap, onda E.Rybakına 6:4, 6:2 esebimen tize búktirgen bolatyn.
Bul joly birinshi partııada qazaqstandyq sportshy breık jasap, sol basymdylyǵyn saqtap qaldy – 6:3.
E.Rybakına ekinshi setti de breıkpen bastap, alǵa ketti – 2:0. Aqyry matchty jeńispen támamdady – 6:3.
Bir saǵattan astam ýaqytqa sozylǵan báseke barysynda qazaqstandyq tennısshi 8 eıs jasap, 7 breık-poınttyń úsheýin paıdalandy. Qarsylasy 3 eıspen shekteldi. Ol breık jasaı alǵan joq.
E.Rybakına ekinshi aınalymda álemniń 16-raketkasy, belgııalyq Elıza Mertenspen sheberlik baıqasady. Ol bastapqy kezdesýinde reıtıngte 38-satydaǵy argentınalyq Nadıa Podoroskany 6:3, 6:4 esebimen utty.
Eske sala keteıik, budan buryn ıÝlııa Pýtıntsevanyń Tsıntsınnatı týrnırin jeńispen bastaǵanyn jazǵan bolatynbyz.
Sondaı-aq A.Býblık Tsıntsınnatı masters týrnıriniń ekinshi aınalymyna shyqty.
