TENNIS: «Rolan Garros» týrnırinde Zarına Dııas úshinshi aınalymǵa óte almady
ASTANA. QazAqparat - Parıj qalasynda tennısten ótip jatqan «Rolan Garros» týrnıriniń ekinshi aınalymynda Qazaqstannyń birinshi raketkasy Zarına Dııas belgııalyq Alıson van Ýıtvankpen kúsh synasty.
Qazsport telearnasynan tikeleı efırden kórsetken matchty qazaqstandyq tennısshi óte qarqyndy bastap, birinshi partııany 6:0 esebimen bet qaratpaı utty. Alaıda ekinshi partııada belgııalyq sportshy 6:1 esebimen ese qaıyrdy.
Úshinshi, sheshýshi partııa asa tartysty ótti. Birazǵa deıin esep teń bolyp kele jatqanymen, aldymen Alıson van Ýıtvank breık jasap, esepti 5:3-ke jetkizdi. Zarına qaıtadan breık jasaǵanymen, ózi dop bergen sátte basymdylyqty ustap tura almady. Sóıtip munda 6:4 esebimen belgııalyq tennısshi jeńiske jetti.
Aıta keteıik, Zarına álemniń 32-inshi raketkasy bolsa, Alıson van Ýıtvank 93-inshi orynda turǵan edi.
Elıson van Ýıtvank úshinshi aınalymda frantsııalyq Krıstına Mladenovıchpen kortqa shyǵady. K.Mladenovıch birinshi kezdesýinde álemniń altynshy raketkasy, kanadalyq Ejenı Býshardy jeńgen bolatyn.
