TENNIS: Rolan Garros týrnırinde M.Kýkýshkın birinshi aınalymnan asa almady
ASTANA. QazAqparat - Parıjde ótip jatqan Rolan Garros týrnıriniń birinshi aınalymynda qazaqstandyq Mıhaıl Kýkýshkın frantsııalyq Adrıan Mannarınomen kúsh synasty.
Tikeleı sporttyq kórsetilim arqyly málim bolǵanyndaı, birinshi partııada 6:4 esebimen frantsııalyq tennısshi basym tússe, ekinshisinde M.Kýkýshkın (6:2) tarazy basyn teńestirdi. Alaıda úshinshi partııada dál osyndaı eseppen (6:2) A.Mannarıno ese qaıyrdy. Tórtinshi partııada esep 3:3 bolyp turǵan kezde qazaqstandyq tennısshi óz geımin berip qoıdy. Degenmen qaıta breık jasap, esepti teńestirdi. Áıtse de ózi dop bergen sátte múmkindigin paıdalana almady. Bul sheshýshi sette A.Mannarıno 6:4 esebimen jeńiske jetti.
Sóıtip álemdik reıtıngte 83-inshi orynda kele jatqan M.Kýkýshkın ózinen on satydaı joǵary turǵan tennısshiden aılasyn asyra almady. Ol Rolan Garros týrnırine erler arasynda Qazaqstannan qatysqan jalǵyz-aq oıynshy bolatyn.
