Tennıs reıtıngi: Mıhaıl Kýkýshkın 6 satyǵa joǵarylady
ASTANA. QazAqparat - Kásipqoı tennısshiler qaýymdastyǵynyń jańartylǵan reıtıngi jarııalandy, dep habarlaıdy Sports.kz.
Reıtıng kestesinde shveıtsarııalyq Rodjer Federer kósh bastap tur. Ekinshi orynda ıspanıalyq Rafael Nadal jáne úzdik úshtikti qorytyndylaıtyn horvat sportshysy Marın Chılıch. AQSh-taǵy Irvın qalasynda ótken
«Chellendjer» serııasynyń týrnırin jeńip alǵan qazaqstandyq tennısshi Mıhaıl Kýkýshkın 89 orynnan 83 orynǵa kóterildi. TOP-100 kestesine jaqyn qazaqstandyqtardan ázirge Aleksandr Býblık qana bar. Ol qazir eki saty tómen túsip 145-shi orynǵa turaqtaǵan.
Foto:Mark Výds, www.dfwsportsonline.com
