Tennıs: Pýtıntsevanyń Vashıngton týrnırindegi qarsylasy anyqtaldy
ASTANA. QazAqparat - Qazaqstannyń birinshi, álemniń 53-inshi raketkasy ıÝlııa Pýtıntsevanyń qarsylasy anyqtaldy, dep habarlaıdy QazAqparat tilshisi.
Júlde qory 250 myń AQSh dollaryna baǵalanǵan jarystyń 8-inshi raketkasy bolyp tirkelgen qazaqstandyq sportshy alǵashqy aınalymda dúnıejúzilik reıtıngte 81-inshi orynda turǵan germanııalyq Tatıana Marııamen kúsh synasady.
Nemis tennısshisin utqan jaǵdaıda amerıkalyq Djennıfer Breıdı nemese reseılik Natalıa Vıhlıantsevanyń bireýimen kezdesedi.
Qazirgi kezde irikteý saıysy ótip jatqan, 30 shildede bastalyp, 5 tamyzda márege jetetin bul týrnırge álemniń ekinshi raketkasy, danııalyq Karolın Voznıatskı bastaǵan tennısshiler qatysady.
Atalmysh jarys bıylǵy jyldaǵy «Úlken dýlyǵa» týrnıriniń sońǵysy - US Open jarysy aldyndaǵy daıyndyq syny bolyp esepteledi. AQSh-tyń ashyq chempıonaty 27 tamyz - 9 qyrkúıek aralyǵynda ótedi.
Eske sala keteıik, budan buryn taǵy bir qazaqstandyq tennısshi Galına Voskoboevanyń juptyq synda Máskeý týrnıriniń fınalyna shyqqanyn jazǵan bolatynbyz.
