Tennıs: Pýtıntsevanyń Madrıd týrnırindegi qarsylasy belgili boldy
NUR-SULTAN. QazAqparat - Qazaqstannyń birinshi, álemniń 41-raketkasy ıÝlııa Pýtıntsevanyń Madrıd týrnırindegi qarsylasy belgili boldy, dep habarlaıdy QazAqparat tilshisi.
ıÝ.Pýtıntseva alǵashqy aınalymda rýmynııalyq, álemniń 96-raketkasy Irına Begýmen sheberlik baıqasady.
Qazaqstandyq tennısshi qarsylasyn utqan jaǵdaıda álemniń 6-raketkasy, ýkraınalyq Elına Svıtolına nemese frantsııalyq, reıtıngte 69-orynda turǵan Polın Parmanteniń bireýimen kezdesedi.
Tennısshiler topyraq tósenishinde synǵa túsetin, júlde qory 7 mln eýrodan asatyn Madrıd jarysy «Rolan Garros» týrnıri aldyndaǵy eń úlken doda bolyp esepteledi. Sondyqtan onda barynsha tabysty óner kórsetýdiń mańyzy zor.
Qazirgi kezde irikteý saıystary bolyp jatqan týrnır 11 mamyrda márege jetedi.
Ótken jyly chehııalyq Petra Kvıtova bul týrnırdiń jeńimpazy atanǵan bolatyn.
5-12 mamyr aralyǵynda erler arasynda ótetin Madrıd týrnırine qatysýshylar arasynda Qazaqstannyń birinshi, álemniń 40-raketkasy Mıhaıl Kýkýshkın bar.
Eske sala keteıik, budan buryn ıÝlııa Pýtıntsevanyń Rabat týrnıriniń alǵashqy aınalymynan asa almaǵanyn, Zarına Dııastyń Japonııadaǵy jarystyń shırek, odan jartylaı fınalyna shyqqanyn, taǵy bir qazaqstandyq Elena Rybakınanyń álemdik reıtıngte birden 27-orynǵa joǵarylaǵanyn jazǵan bolatynbyz.
Al erler arasynda Mıhaıl Kýkýshkın Eshtorıl týrnıriniń alǵashqy aınalymynan óte almaı qaldy.
