Tennıs: Pýtıntseva US Open týrnıriniń ekinshi aınalymyna óte almady
ASTANA. QazAqparat - Qazaqstannyń birinshi, álemniń 50-inshi raketkasy ıÝlııa Pýtıntseva US Open týrnıriniń alǵashqy aınalymynda amerıkalyq Bernardo Peramen kúsh synasty, dep habarlaıdy QazAqparat tilshisi.
B.Pera dúnıejúzilik reıtıngte 92-inshi orynda turǵanyna qaramastan, match asa tartysty órbidi.
Birinshi partııa taı-breıkke deıin jetip, onda jankúıerler qoldaýyna súıengen kort ıesi 8:6 esebimen basym tústi.
B.Pera osy qarqynyn ekinshi sette de joǵaltpaı, 6:4 esebimen jeńiske jetti.
Tartysty báseke 2 saǵattan astam ýaqytqa sozyldy.
Osylaısha AQSh-tyń ashyq chempıonatynda jekeleı synda Qazaqstannan Mıhaıl Kýkýshkın ǵana qaldy.
Eske sala keteıik, budan buryn áıelder arasynda Zarına Dııas álemniń 8-inshi raketkasy, chehııalyq Karolına Plıshkovaǵa jol bergen edi.
US Open týrnırin jeńispen bastaǵan M.Kýkýshkın ekinshi aınalymda álemniń 23-inshi raketkasy, ońtústikkoreıalyq Chhýn Henmen kezdesedi.
