Tennıs: Pýtıntseva Ýımbldon týrnıriniń úshinshi aınalymyna shyǵa almady
NUR-SULTAN. QazAqparat - Qazaqstandyq ıÝlııa Pýtıntseva Ýımbldon týrnıriniń ekinshi aınalymynda shveıtsarııalyq Vıktorııa Golýbıchpen kezdesti, dep habarlaıdy QazAqparat tilshisi.
Osy jarystyń betashar matchynda álemniń 2-raketkasy, japonııalyq Naomı Osakany jeńgen ıÝ.Pýtıntseva dúnıejúzilik reıtıngte 39-orynda bolsa, qarsylasy 81-satyda edi.
Osakanyń osal tusyn tapqannan keıin mamandar ıÝ.Pýtıntseva bul týrnırde kópke barady dep boljaǵan. Alaıda Golýbıchpen oıyn basqasha órbidi.
Birinshi partııada sheberligin kórsetken shveıtsarııalyq tennısshi jeńiske jetti - 6:4.
Ekinshi sette esep 4:3 bolǵan mezette qazaqstandyq sportshy breık jasaı aldy. Áıtse de setke dop bergende, sol múmkindigin paıdalana almaı, qarsylasynyń qaıyra breık jasaýyna múmkindik berip qoıdy. Aqyry tartysty partııa taı-breıkke ulasty. Munda da V.Golýbıch basymdylyǵyn kórsete bildi - 7:3.
Osylaısha Ýımbldonda áıelder arasynda jekeleı synda Qazaqstannan eshkim qalmady.
V.Golýbıch úshinshi aınalymda álemniń 28-raketkasy, amerıkalyq Sofııa Kenın nemese reıtıngte 35-oryndaǵy ýkraınalyq Daıana ıAstremskaıanyń bireýimen sheberlik baıqasady.
Eske sala keteıik, budan buryn Mıhaıl Kýkýshkınniń Ýımbldon týrnıriniń ekinshi aınalymyna shyqqanyn, Galına Voskoboevanyń jarysty sátti bastaǵanyn jazǵan bolatynbyz.
