Tennıs: Pýtıntseva Taıbeı týrnıriniń jartylaı fınalyna shyǵa almady
ASTANA. QazAqparat - Qazaqstandyq ıÝlııa Pýtıntseva Taıbeı týrnıriniń shırek fınalynda Ýkraına eliniń ókili Katerına Kozlovamen kúsh synasty, dep habarlaıdy «QazAqparat» tilshisi.
Pýtıntseva dúnıejúzilik reıtıngte 51-inshi, al Kozlova 85-inshi satyda turǵanyna qaramastan, oıyn tartysty órbidi. Birinshi partııa sońynda breık jasaǵan ýkraınalyq tennısshi 7:5 esebimen jeńiske jetti.
Ekinshi partııada esep 4:3 bolyp turǵan mezette Kozlova breık jasady. Sodan keıin óz geımin alyp, 6:3 esebimen basym tústi. Kezdesý 1 saǵat 42 mınýtqa sozyldy.
K.Kozlova jartylaı fınalda rýmynııalyq Monıka Nıkýleský nemese germanııalyq, kezinde Ýımbldon týrnıriniń fınalynda óner kórsetken Sabına Lısıtskıdiń qaı jeńgenimen sheberlik baıqasady.
Eske sala keteıik, osy týrnırge qatysqan taǵy bir qazaqstandyq tennısshi Zarına Dııas ekinshi aınalymda M.Nıkýleskýge ese jibergen bolatyn.
