Tennıs: Pýtıntseva Taıbeı týrnıriniń ¼ fınalyna ótti
ASTANA. QazAqparat - Qazaqstannyń birinshi, álemniń 51-inshi raketkasy ıÝlııa Pýtıntseva Taıbeı týrnıriniń shırek fınalyna ótti, dep habarlaıdy «QazAqparat» tilshisi.
Ol búgin dúnıejúzilik reıtıngte 273-inshi orynda turǵan Taıbeı eliniń ókili Chjan Kaıchjendi tize búktirdi. Birinshi partııada ıÝlııa 6:3 esebimen basymdylyq kórsetti. Ekinshi partııada qazaqstandyq tennısshi ońaı jeńiske jetetindeı kóringenmen, shıelenisip baryp, taı-breıkpen aıaqtaldy. Onda Pýtıntseva 7:3 esebimen basym tústi. Kezdesý 1 saǵat 48 mınýtqa sozyldy.
Pýtıntseva jartylaı fınalǵa shyǵý úshin Ýkraına eliniń ókili, álemniń 85-inshi raketkasy Katerına Kozlovamen sheberlik baıqasady. K.Kozlova birinshi aınalymda osy týrnırdiń ekinshi raketkasy, qytaılyq Chjan Shýaıdy, búgin onyń otandasy Iın-Iın Dýandy joldan taıdyrǵan bolatyn.
Eske sala keteıik, búgin osy týrnırde qazaqstandyq Zarına Dııas rýmynııalyq Monıka Nıkýleskýden utylyp qaldy.
