Tennıs: Pýtıntseva Sıdneı týrnıriniń ekinshi aınalymyna shyqty
ASTANA. QazAqparat - Qazaqstannyń birinshi, álemniń 44-raketkasy ıÝlııa Pýtıntseva Sıdneı týrnıriniń alǵashqy aınalymynda avstralııalyq Darıa Gavrılovamen kezdesti, dep habarlaıdy QazAqparat tilshisi.
Avstralııa eliniń namysyn qorǵap júrgen, tegi reseılik D.Gavrılovanyń dúnıejúzilik reıtıngte on saty joǵary turǵanyna qaramastan, birinshi partııada qazaqstandyq tennısshi aıqyn basymdylyq kórsetti.
Jarty saǵatqa sozylǵan sette ıÝ.Pýtıntseva qarsylasyna bir ǵana geım berip, 6:1 esebimen utty.
Ekinshi partııa áldeqaıda tartysty órbidi. Esep 5:3 bolyp turǵan mezette qazaqstandyq sportshy qarsylasynyń breık jasaýyna múmkindik berip qoıdy. Aqyry D.Gavrılova tarazy basyn teńestirdi - 5:5. Esep 6:6 bolǵannan keıin taı-breıkke ulasty. Munda ıÝ.Pýtıntseva basymdylyq tanyta bildi - 7:4.
Báseke 1 saǵat 42 mınýtqa sozyldy.
ıÝ.Pýtıntseva ekinshi aınalymda álemniń 5-raketkasy, amerıkalyq Sloan Stıvens nemese reseılik, reıtıngte 72-orynda turǵan Ekaterına Aleksandrovanyń bireýimen sheberlik baıqasady.
Eske sala keteıik, budan buryn ıÝ.Pýtıntsevanyń osy jarystyń irikteý saıysynyń fınalynda óziniń otandasy Zarına Dııasty jeńgenin jazǵan bolatynbyz.
Júlde qory 823 myń AQSh dollaryna baǵalanǵan Sıdneı týrnıri 12 qańtar kúni márege jetedi. Bul jarys ta Avstralııa ashyq chempıonaty aldyndaǵy tennısshilerdiń «aşy terin» alatyn týrnırlerdiń biri bolyp esepteledi.
Búgin jańartylǵan dúnıejúzilik reıtıngte ıÝ.Pýtıntseva burynǵy ornynda qalsa, Z.Dııas 89-dan 98-satyǵa syrǵyp ketti.
Erler arasynda Mıhaıl Kýkýshkın úsh saty tómendep, 56-orynǵa ornyqty.
