Tennıs: Pýtıntseva Sankt-Peterbýrgte utylyp qaldy
NUR-SULTAN. QazAqparat – Qazaqstandyq ıÝlııa Pýtıntseva Sankt-Peterbýrg WTA týrnırinde utylyp qaldy, dep habarlaıdy QazAqparat tilshisi.
Álemniń 34-raketkasy ıÝ.Pýtıntseva alǵashqy aınalymda reıtıngte ózinen tórt saty tómen turǵan reseılik Veronıka Kýdermetovamen kezdesti.
Birinshi partııa taı-breıkke deıin sozylyp, onda Kýdermetovanyń joly boldy – 7:6 (7:4).
Esesine ekinshi sette Pýtıntseva bet qaratpady – 6:1. Alaıda ol osy qarqynyn sheshýshi partııada saqtaı almady. Esep 5:6 bolǵan mezette dop bergen qazaqstandyq tennısshi qatelikke boı aldyryp, qarsylasy breık jasap ketti – 5:7.
Tartysty báseke 2 saǵat 36 mınýtqa sozyldy.
Match barysynda Kýdermetova 7 eıs jasap, 8 breık-poınttyń beseýin paıdalana bildi. Bir ǵana ret eıs jasaǵan Pýtıntseva 16 breık-poınttyń altaýyn ǵana óz esebine jaza aldy.
Kelesi aınalymda V.Kýdermetova álemniń 8-inshi, osy jarystyń ekinshi raketkasy, Nıderlandy ókili Kıkı Bertenspen kúsh synasady. Ótken jylǵy týrnırde dál osy K.Bertens jeńimpaz atanǵan bolatyn.
Eske sala keteıik, budan buryn Elena Rybakınanyń Sankt-Peterbýrg týrnırin jeńispen bastap, Aleksandr Býblıktiń Rotterdam jarysynyń ekinshi aınalymyna shyqqanyn jazǵan bolatynbyz.
E.Rybakınanyń ekinshi aınalymdaǵy qarsylasy búgin anyqtalady. Qazaqstandyq sportshy qos frantsııalyq Karolın Garsııa men Fıona Ferronyń qaı jeńgenimen kezdesedi. F.Ferro jarysqa qatysýdan bas tartqan latvııalyq Anastasııa Sevastovany aýystyrdy.
