Tennıs: Pýtıntseva Sankt-Peterbýrg týrnıriniń ekinshi aınalymyna shyǵa almady
ASTANA. QazAqparat - Qazaqstannyń birinshi, álemniń 41-raketkasy ıÝlııa Pýtıntseva Sankt-Peterbýrg týrnıriniń alǵashqy aınalymynda chehııalyq Tereza Martıntsovamen kezdesti, dep habarlaıdy QazAqparat tilshisi.
Álemdik reıtıngte 181-orynda turǵan chehııalyq tennısshi bul jarystyń irikteý saıystarynan sátti ótip, negizgi týrnırge qosylǵan edi.
Matchty qazaqstandyq sportshy sátti bastap, birinshi partııada 6:4 esebimen jeńiske jetti. Alaıda sodan keıin sol qarqynyn jalǵastyra almaı, qarsylasyna des berip qoıdy.
Osylaısha qalǵan eki partııany T.Martıntsova 6:2, 6:2 esebimen utyp, ekinshi aınalymǵa joldama aldy.
Tartysty órbigen match 2 saǵat 30 mınýtqa sozyldy.
T.Martıntsova ekinshi aınalymda osy týrnırdiń 7-raketkasy bolyp tirkelgen slovakııalyq Domınıka Tsıbýlkova nemese reseılik Ekaterına Aleksandrovanyń bireýimen sheberlik baıqasady.
Júlde qory 757,9 myń AQSh dollaryn quraıtyn Sankt-Peterbýrg týrnıri 3 aqpanda márege jetedi.
Eske sala keteıik, budan buryn ıÝ.Pýtıntsevanyń Sankt-Peterbýrg týrnırine qatysatynyn jazǵan bolatynbyz.
