Tennıs: Pýtıntseva «Rolan Garros» týrnıriniń úshinshi aınalymyna shyqty
ASTANA. QazAqparat - «Rolan Garros» týrnıriniń ekinshi aınalymynda qazaqstandyq, álemniń 98-inshi raketkasy ıÝlııa Pýtıntseva amerıkalyq Djennıfer Bredımen kortqa shyqty, dep habarlaıdy QazAqparat tilshisi.
Atalmysh «Úlken dýlyǵa» týrnırinde jekeleı synda Qazaqstannan jalǵyz qalǵan ıÝlııa birinshi partııada dúnıejúzilik reıtıntge ózinen 12 saty joǵary turǵan Bredıden 6:4 esebimen basym túse bildi.
Ekinshi partııada esep 3:3 bolyp turǵan sátte qazaqstandyq tennısshi breık jasap, sosyn óziniń geıminde de qarsylasyn tyqsyra bildi - 5:3. Taǵy bir breıkke qol jetkizgen Pýtıntseva 6:3 esebimen jeńiske jetti. Kezdesý 1 saǵat 28 mınýtqa sozyldy.
Osylaısha ıÝ.Pýtıntseva «Rolan Garros» týrnıriniń úshinshi aınalymyna shyǵyp, ótken jylǵy nátıjesin qaıtalap otyr. ıÝlııanyń budan keıin de tabysty óner kórsetýine múmkindigi bar. Ol endi álemniń 35-inshi raketkasy, horvatııalyq Petra Martıch nemese qytaılyq, reıtıngte 85-inshi orynda turǵan Van Tsıannyń bireýimen kezdesedi. Bulardyń qaı-qaısysy da - jeńýge bolatyn sportshylar.
Eske sala keteıik, Parıjde ótip jatqan aıtýly dodada búgin Zarına Dııastyń jarys jolynan shyǵyp qalǵanyn jazǵan bolatynbyz.
