Tennıs: Pýtıntseva «Rolan Garros» týrnıriniń tórtinshi aınalymyna shyqty
ASTANA. QazAqparat - Parıjde ótip jatqan «Rolan Garros» týrnıriniń úshinshi aınalymynda álemniń 98-inshi raketkasy, qazaqstandyq ıÝlııa Pýtıntseva qytaılyq Van Tsıanmen kezdesti, dep habarlaıdy QazAqparat tilshisi.
Birinshi aınalymda álemniń 9-ynshy raketkasy, ataqty amerıkalyq Vınýs Ýılıamsty tize búktirgen dúnıejúzilik reıtıngte 85-inshi orynda turǵan V.Tsıan qarshyǵadaı ushqyr, shıraq qımyldap, báseke tizginin birden qolyna aldy. Alǵashqy partııada úsh birdeı breık jasaǵan ol 6:1 esebimen jeńiske jetti. Oıyny júrmegen ıÝ.Pýtıntseva ashýǵa da jıi boı aldyrdy.
Ekinshi partııada da breık jasaǵan qytaılyq tennısshi 2:0 esebimen alǵa shyqty. Tartysty ótken úshinshi geımde Pýtıntseva breınk-poıntty paıdalana almady. Esesine qytaı qyzy taǵy bir breıkke qol jetkizdi - 4:0. Match taǵdyry sheshilip qalǵandaı kóringen. Osydan keıin ǵana qazaqstandyq tennısshi tórt geımdi qatarynan alyp, tarazy basyn teńestirdi. Tartysty ótken toǵyzynshy geımde ıÝlııa qos birdeı breık-poıntty ýysynan shyǵaryp aldy - 4:5. Degenmen kelesi geımde qarsylasynyń eki matchboldy paıdalanýyna múmkindik bergen joq - 5:5. Sosyn taǵy bir breık jasap, partııany utyspen támamdady - 7:5.
Úshinshi, sheshýshi partııada V.Tsıan 3:0 esebimen alǵa ketti. Biraq ıÝ.Pýtıntseva da berispeı, qaıyra breık jasady. Sosyn esepti teńestirip qana qoımaı, 5:3 esebimen alǵa shyqty. Aqyry úshinshi matchbolyn sátti paıdalana bildi - 6:4.
Asa tartysty kezdesý 2 saǵat 19 mınýtqa sozyldy.
ıÝ.Pýtıntseva tórtinshi aınalymda qos chehııalyq tennısshi, álemniń 26-ynshy raketkasy Barbora Strytsova nemese reıtıngte 54-inshi orynda turǵan Katerına Sınıakovanyń bireýimen sheberlik baıqasady.
Ótken jylǵy «Rolan Garros» týrnırinde Pýtıntseva úshinshi aınalymǵa jetken edi. Qazirdiń ózinde sol kórsetkishin jaqsartyp otyr.
Eske sala keteıik, budan buryn «Rolan Garros» týrnırinde jalǵyz qalǵan ıÝ.Pýtıntsevanyń úshinshi aınalymǵa shyǵyp, qarsylasy anyqtalǵanyn jazǵan bolatynbyz.
