Tennıs: Pýtıntseva Rolan Garros týrnıriniń ótken jylǵy jeńimpazyn uta almady
ASTANA. QazAqparat - Búgin Parıjde ótip jatqan Rolan Garros týrnıriniń ortalyq kortynda Qazaqstannyń birinshi raketkasy ıÝlııa Pýtıntseva osy jarystyń ótken jylǵy jeńimpazy, ıspanııalyq Garbıne Mýgýrýsamen kúsh synasty, dep habarlaıdy «QazAqparat» tilshisi.
www.myscore.ru saıtynan málim bolǵanyndaı, birinshi partııa asa tartysty boldy. Osy týrnırdiń tórtinshi raketkasy bolyp tirkelgen Mýgýrýsa aqyry tarazy basyn ózine aýdara bildi - 7:5. Ekinshi partııada da ol birden 3:0 esebimen alǵa ketti. Budan keıin Pýtıntseva esepti 2:3-ke deıin qysqartqanymen, odan árige shamasy jetpedi. Sóıtip 2:6 esebimen jeńilis tapty.
Osylaısha, Rolan Garros týrnırinde jekeleı synda Qazaqstannan eshkim qalǵan joq. Al ótken jylǵy tabysyn qaıtalaý jolynda taǵy bir qadam jasaǵan ıspanııalyq tennısshi tórtinshi aınalymda amerıkalyq Shelbı Rodjers nemese frantsııalyq Krıstına Mladenovıchtiń qaı jeńgenimen kortqa shyǵady.
