Tennıs: Pýtıntseva Rımde Italııa ashyq chempıonatynyń jartylaı fınalyna shyǵa almady
NUR-SULTAN. QazAqparat – Qazaqstandyq tennısshi ıÝlııa Pýtıntseva Rımde Italııa ashyq chempıonatynyń jartylaı fınalyna shyǵa almady, dep habarlaıdy QazAqparat tilshisi.
Reıtıngte 30-orynda turǵan ıÝ.Pýtıntseva shırek fınalda álemniń ekinshi, osy dodanyń 1-raketkasy, rýmynııalyq Sımona Haleppen kezdesti.
ıÝlııa bıyl 25-ke tolsa, kezinde dúnıejúzilik reıtıngte kósh bastaǵan rýmynııalyq tennısshi odan úsh jasqa úlken edi.
Buǵan deıin qarsylastardyń joly bir-aq ret toqaılasqan-dy. Bıyl qańtarda Aýstralııa ashyq chempıonatynyń úshinshi aınalymynda S.Halep 6:1, 6:4 esebimen utqan bolatyn.
Qazaqstandyq tennısshi matchty jaman bastaǵan joq. Birinshi partııada esep 1:1 bolǵan kezde qos birdeı breık-poıntty paıdalana almady. Budan keıin rýmynııalyq sportshy kúsh alyp, 4:1 esebimen alǵa ketti. Aqyry setti taǵy bir breıkpen túıindedi – 6:2.
Ekinshi sette esep 0:2 bolǵannan keıin ózin jaısyz sezingen ıÝ.Pýtıntseva básekeni jalǵastyrýdan bas tartty. Ol osynyń aldynda da medıtsınalyq kómekke júgingen edi.
Sóıtip ıÝlııa Sımonadan qarymta qaıtara almady.
S.Halep fınalǵa shyǵý úshin álemniń 14-raketkasy, bıylǵy US Open týrnıriniń fınalısi, Belarýs ókili Vıktorııa Azarenko nemese reıtıngte 17-satydaǵy ıspanııalyq Garbıne Mýgýrýsanyń bireýimen talasady.
Jalpy, ıÝ.Pýtıntseva koronavırýs indetine baılanysty oryn alǵan úzilisten keıin tabysty óner kórsetýde. US Open týrnıriniń shırek fınalyna deıin jetip, 425 myń AQSh dollary kóleminde tabys tapty. Reıtıngte 35-ten 30-satyǵa kóterilgen ıÝlııa Italııa ashyq chempıonatynyń da shırek fınalyna deıin jetip otyr. Ótken jyly ol ekinshi aınalymnan asa almaǵan edi.
Eske sala keteıik, budan buryn tennısshi ıÝlııa Pýtıntsevanyń Rım týrnıriniń shırek fınalyna shyqqanyn jazǵan bolatynbyz.
