Tennıs: Pýtıntseva Rımde asa tartysty matchta jeńilip qaldy
NUR-SULTAN. QazAqparat – Qazaqstandyq, álemniń 34- raketkasy ıÝlııa Pýtıntseva Rım WTA 1000 týrnıriniń ekinshi aınalymyna shyǵa almady, dep habarlaıdy QazAqparat tilshisi.
ıÝ.Pýtıntseva alǵashqy aınalymda álemniń 35-raketkasy, AQSh-tyń jas juldyzy, 17 jasar Korı Gaýffpen kúsh synasty.
Asa tartysty ótken matchta birinshi partııada K.Gaýff basymdylyq tanytty – 7:5. Ekinshi sette qazaqstandyq tennısshi ese qaıyrdy – 6:4.
Úshinshi, sheshýshi partııada esep 5:3 bolǵan mezette amerıkalyq sportshy matchqa dop bergende, Pýtıntseva breık jasaı aldy. Alaıda kelesi geımde K.Gaýff breık jasap ketti – 6:4.
Báseke 2 saǵat 57 mınýtqa sozyldy.
Kezdesý barysynda amerıkalyq tennısshi 8, ıÝlııa 7 breık jasady.
K.Gaýff ekinshi aınalymda álemniń 19-raketkasy, grekııalyq Marııa Sakkarı nemese reıtıngte 74-oryndaǵy slovenııalyq Polona Hertsogtyń bireýimen sheberlik baıqasady.
Taǵy bir qazaqstandyq, reıtıngte 665-satyda turǵan ıAroslava Shvedova álemniń 97-raketkasy, ıtalııalyq Martına Trevızanmen kortqa shyǵady.
Eske sala keteıik, budan buryn qazaqstandyq tennısshilerdiń Rım týrnırindegi qarsylastary anyqtalǵanyn, Aleksandr Býblıktiń álemdegi úzdik 40 tennısshiniń qataryna kirgenin
jazǵan bolatynbyz.
