Tennıs: Pýtıntseva Rımde álemniń 5-raketkasynan utylyp qaldy
NUR-SULTAN. QazAqparat - Qazaqstannyń birinshi, álemniń 38-raketkasy ıÝlııa Pýıtntseva Rım týrnıriniń úshinshi aınalymyna shyǵa almady, dep habarlaıdy QazAqparat tilshisi.
Qazaqstandyq tennısshi ekinshi aınalymda týrnırdiń ekinshi, álemniń 5-raketkasy, chehııalyq Petra Kvıtovamen kezdesti.
Chehııalyq sportshy qarsylasyn 6:0, 6:1 esebimen bet qaratpaı jeńdi. P.Kvıtova bes márte breık jasasa, ıÝ.Pýtıntseva ózi dop bergende, bir ǵana geımdi aldy.
Báseke 52 mınýtqa sozyldy.
P.Kvıtova shırek fınalǵa shyǵý úshin álemniń 16-raketkasy, estonııalyq Anett Kontaveıt nemese reıtıngte 39-satydaǵy grekııalyq Marııa Sakkarıdiń bireýimen talasady.
Júlde qory 3 452 538 eýroǵa baǵalanǵan Rım týrnıri 19 mamyrda márege jetedi.
Jarystyń ótken jylǵy jeńimpazy, ýkraınalyq Elına Svıtolına alǵashqy matchynda-aq kezinde reıtıng kóshin bastaǵan Belarýs eliniń ókili Vıktorııa Azarenkodan utylyp qaldy.
Jalpy, búgin qazaqstandyq tennısshiler úshin sátsiz kún boldy.
Erler arasynda reıtıngte 359-orynda turǵan qazaqstandyq Dmıtrıı Popko Samarqan týrnıriniń úshinshi aınalymynda týrnırdiń 15-inshi, álemniń 303-raketkasy, úndistandyq Sýmıt Nagalǵa 6:7 (7:9), 3:6 esebimen jol berdi.
Al osynyń aldynda Aleksandr Nedovesovti utqan, reıtıngte 355-oryndaǵy brazılııalyq Jýan Menezes búgin taǵy bir qazaqstandyq, álemniń 310-raketkasy Denıs Evseevti (6:3, 6:1) joldan taıdyrdy.
Osylaısha Samarqan týrnırinde qazaqstandyqtardan eshkim qalǵan joq.
Taǵy bir qazaqstandyq, álemniń 94-raketkasy Aleksandr Býblık Germanııadaǵy Haılbronn chellendjer týrnırinde keshe bastapqy kezdesýinde-aq súrinip, reıtıngte 134-oryndaǵy slovakııalyq Iozef Kovalıkke ese jiberdi.
Eske sala keteıik, budan buryn ıÝlııa Pýtıntsevanyń úzdik 40 tennısshiniń qataryna qaıtadan enip, Rım týrnıriniń ekinshi aınalymyna shyqqanyn, Dmıtrıı Popko men Denıs Evseevtiń Samarqan jarysyn sátti bastap, úshinshi aınalymǵa shyqqanyn jazǵan bolatynbyz.
