Tennıs: Pýtıntseva Rım týrnıriniń ekinshi aınalymyna shyqty
NUR-SULTAN. QazAqparat - Qazaqstannyń birinshi, álemniń 38-raketkasy ıÝlııa Pýtıntseva Rım týrnırin jeńispen bastady, dep habarlaıdy QazAqparat tilshisi.
Qazaqstandyq tennısshi alǵashqy aınalymda reıtıngte 26-orynda turǵan ýkraınalyq Lesıa Tsýrenkomen kezdesti.
Birinshi partııa barysynda ıÝlııa Pýtıntseva úsh birdeı breık jasaı bildi. Qarsylasy eki breıkke qol jetkize aldy. Sóıtip bul setti qazaqstandyq tennısshi óz paıdasyna jazdy - 6:4.
Ekinshi sette ıÝlııa qos birdeı breıkpen alǵa ketti - 4:0. Aqyry osy basymdylyǵyn ýysynan shyǵarǵan joq - 6:2.
Báseke 1 saǵat 22 mınýtqa sozyldy.
ıÝ.Pýtıntseva ekinshi aınalymda álemniń 5-raketkasy, chehııalyq Petra Kvıtovamen kúsh synasady.
Erler arasyndaǵy Rım týrnırinde Qazaqstannyń birinshi, álemniń 47-raketkasy Mıhaıl Kýkýshkın alǵashqy aınalymnan asa almady. Ol reıtıngte 32-orynda turǵan serbııalyq Laslo Dereden 3:6, 4:6 esebimen jeńilip qaldy.
Eske sala keteıik, budan buryn ıÝlııa Pýtıntsevanyń úzdik 40 tennısshiniń qataryna qaıta engenin jazǵan bolatynbyz.
