Tennıs: Pýtıntseva Rabat týrnıriniń alǵashqy aınalymynan asa almady
NUR-SULTAN. QazAqparat - Qazaqstannyń birinshi, álemniń 41-raketkasy ıÝlııa Pýtıntseva Rabat (Marokko) týrnıriniń alǵashqy aınalymynan asa almady, dep habarlaıdy QazAqparat tilshisi.
Qazaqstandyq tennısshi alǵashqy aınalymda álemniń 67-raketkasy, slovenııalyq, 21 jasar Tamara Zıdanshekpen kortqa shyqty.
Osy jarystyń 3-raketkasy bolyp tirkelgen ıÝ.Pýtıntseva birinshi partııany óz esebine jaza bildi - 6:3.
Ekinshi sette de 3:2 esebimen alǵa shyqty. Áıtse de qarsylasy qaıyra breık jasap, óz geımin de bermedi - 4:3. Sodan keıin T.Zıdanshek taǵy bir breıkpen túıindedi - 6:4.
Úshinshi, sheshýshi kezeń basynda ózi dop bergende ıÝ.Pýtıntseva qatelikke boı aldyrsa, sony paıdalanǵan slovenııalyq sportshy breıkpen alǵa shyqty - 2:0. Qazaqstandyq tennısshi qaıyra breık jasaǵanymen, qarsylasy da qarap qalmady - 4:1. Aqyry ol sol basymdylyǵynan aıyrylǵan joq - 6:3.
Osylaısha 2 saǵat 23 mınýtqa sozylǵan tartysty básekede slovenııalyq sportshy jeńiske jetti.
Eske sala keteıik, budan buryn qazaqstandyq tennısshilerdiń halyqaralyq týrnırlerdegi qarsylastary anyqtalǵanyn, Elena Rybakınanyń reıtıngte birden 27 orynǵa joǵarylaǵanyn jazǵan bolatynbyz.
Erler arasynda Qazaqstannyń birinshi, álemniń 40-raketkasy Mıhaıl Kýkýshkın júlde qory 524 340 eýroǵa baǵalanǵan Eshtorıl (Portýgalııa) týrnıriniń alǵashqy aınalymynda reıtıngte 31-oryndaǵy amerıkalyq Frensıs Tıafomen kezdesedi.
