Tennıs: Pýtıntseva Osaka týrnıriniń ekinshi aınalymyna shyqty
NUR-SULTAN. QazAqparat – Qazaqstannyń birinshi, álemniń 36-raketkasy ıÝlııa Pýtıntseva Japonııadaǵy Osaka WTA týrnıriniń ekinshi aınalymyna shyqty, dep habarlaıdy QazAqparat tilshisi.
ıÝ.Pýtıntseva bastapqy kezdesýin álemniń 23-raketkasy, horvatııalyq Petra Martıchpen ótkizýi kerek edi.
Áıtse de P.Martıch jarysqa qatyspaǵandyqtan, onyń ornyna irikteý saıystarynyń fınalynda jeńilip qalǵan Polsha eliniń ókili, reıtıngte 130-oryndaǵy Katajına Kava shaqyryldy.
Birinshi partııada qos birdeı breık jasaǵan ıÝ.Pýtıntseva 4:1 esebimen alǵa ketti. Qarsylasy qaıyra breıkke qol jetkizip, esepti qysqartqanymen, ıÝlııa budan árige múmkindik bergen joq – 6:4.
Qazaqstandyq sportshy ekinshi setti de breıkpen bastaǵanymen, Kava tarazy basyn teńestirip úlgerdi – 1:1. Sodan keıin taǵy bir breıkpen alǵa shyqty – 3:1. Degenmen Pýtıntseva da qalyspady – 3:3. Sosyn taǵy bir breık jasaı bildi – 5:4. Biraq matchqa dop bergende, óz múmkindigin paıdalana alǵan joq – 5:5. Aqyry másele taı-breıkke kelip tireldi. Munda ıÝlııa óz basymdylyǵyn kórsete aldy – 7:6 (7:4).
Báseke 1 saǵat 47 mınýtqa sozyldy.
ıÝ.Pýtıntseva júlde qory 823 myń AQSh dollaryna baǵalanǵan dodanyń ekinshi aınalymynda reıtıngte 149-satydaǵy reseılik Varvara Flınkpen sheberlik baıqasady. Іrikteý saıystarynyń fınalynda V.Flınk osy K.Kavany utqan bolatyn.
Eske sala keteıik, budan buryn Zarına Dııastyń Osaka jarysyn jeńispen bastaǵanyn, Mıhaıl Kýkýshkınniń Sankt-Peterborda sátti óner kórsetkenin jazǵan bolatynbyz.
