Tennıs: Pýtıntseva Nıýrnberg týrnıriniń jartylaı fınalyna shyqty
NUR-SULTAN. QazAqparat - Qazaqstannyń birinshi, álemniń 39-raketkasy ıÝlııa Pýtıntseva Nıýrnberg týrnıriniń jartylaı fınalyna shyqty, dep habarlaıdy QazAqparat tilshisi.
Osy týrnırdiń birinshi raketkasy bolyp tirkelgen qazaqstandyq sportshy shırek fınalda reıtıngte 523-oryndaǵy germanııalyq Anna-Lena Frıdzammen kúsh synasty.
Jarysqa arnaıy shaqyrtýmen qosylǵan qarsylasynyń reıtıngisi tómen bolǵanyna qaramastan, match tartysty órbidi. Onyń ústine jarys Germanııa jerinde ótip jatqandyqtan, Frıdzam óz jankúıerleri aldynda baryn saldy.
Birinshi partııada ıÝ.Pýtıntseva 4:2 esebimen alǵa shyqty. Áıtse de budan keıin germanııalyq tennısshi qatarynan úsh geımdi aldy. Degenmen qazaqstandyq sportshy setti óz paıdasyna aıaqtaı bildi - 7:5.
Ekinshi sette ıÝlııa breık jasap, 3:2 esebimen alǵa shyqqanymen, Anna-Lena da qarap qalmady. Esep 4:4 bolǵan mezette Pýtıntseva birneshe breıkti paıdalana almady. Aqyry partııa taı-breıkke deıin jetip, onda nemis tennısshisiniń joly boldy - 7:5.
Úshinshi, sheshýshi partııada Pýtıntseva 2:0 esebimen alǵa shyqqanymen, Frıdzam qaıyra breık jasap, tarazy basyn teńestirdi. Bul set te taı-breıkke ulasty. ıÝlııa úsh birdeı mınıbreık jasap, oıyndy jeńispen támamdady - 7:2.
Asa tartysty báseke 3 saǵat 24 mınýtqa sozyldy.
ıÝ.Pýtıntseva Nıýrnberg týrnıriniń (júlde qory - 250 myń eýro) fınalyna shyǵý úshin álemniń 93-raketkasy, rýmynııalyq Sorana-Mıhaela Kyrstıamen sheberlik baıqasady.
Eske sala keteıik, budan buryn taǵy bir qazaqstandyq Elena Rybakınanyń «Rolan Garros» týrnıri irikteý saıysyn sátti bastap, búgin sonyń fınalyna shyqqanyn jazǵan bolatynbyz.
Onyń aldynda ıÝlııa Pýtıntseva Nıýrnberg týrnırinde, Galına Voskoboeva Strasbýrgte juptyq synda shırek fınalǵa shyqqan edi.
