Tennıs: Pýtıntseva Nıýrnberg týrnıriniń jartylaı fınalyna shyǵa almady
ORAL. QazAqparat - Qazaqstannyń birinshi, álemniń 28-inshi raketkasy ıÝlııa Pýtıntseva Nıýrnberg qalasynda tennısten ótip jatqan halyqaralyq týrnırdiń shırek fınalynda rýmynııalyq, dúnıejúzilik reıtıngte 67-inshi orynda turǵan Sorana Kyrstıamen kúsh synasty, dep habarlaıdy «QazAqparat» tilshisi.
www.myscore.ru saıtyndaǵy tikeleı kórsetilimnen málim bolǵanyndaı, 25 mamyr kúni keshkisin bastalǵan kezdesýdiń birinshi partııasynda rýmynııalyq sportshy 6:3 esebimen jeńiske jetti. Ekinshi partııa da tartysty órbidi. Munda dál sondaı eseppen ıÝ.Pýtıntseva basym boldy. Úshinshi, sheshýshi partııany S.Kyrstıa breıkpen bastap, 1:0 esebimen alǵa shyqty. Degenmen ıÝlııa qaıta breık jasap, tarazy basyn teńestire bildi. Sosyn shıelenisti ótken óz geımin bermeı, taǵy bir breık jasap, esepti 3:1-ge jetkizdi. Biraq Kyrstıa da qalyspaı, esepti qaıta teńestirdi. Mamandar ádette jetinshi geımdi sheshýshi dep jatady. Bul geım de asa tartysty ótip, dop bergen qazaqstandyqtyń paıdasyna sheshildi. Esesine segizinshi geımdi Sorana bermedi - 4:4. Osydan keıin match keıinge qaldyrylyp, búgin túsqaıta jalǵasty. Bul joly rýmynııalyq tennısshi birden breık jasap, sosyn óz geıminde des bergen joq. Sóıtip ol sheshýshi partııada 6:4 esebimen jeńiske jetti.
S.Kyrstıa jartylaı fınalda álemniń 254-inshi raketkasy bolsa da, osy týrnırdi sátti ótkizip kele jatqan chehııalyq Barbora Kreıchıkovamen kortqa shyǵady. Ekinshi jartylaı fınalda álemniń 19-ynshy, osy týrnırdiń birinshi raketkasy, gollandııalyq Kıkı Bertens pen dúnıejúzilik reıtıngte 64-inshi satyda turǵan japonııalyq Mısakı Doı kezdesedi.
Eske sala keteıik, budan buryn taǵy bir qazaqstandyq ıAroslava Shvedova shırek fınalda Mısakı Doıdan 4:6 esebimen birinshi partııada jeńilip, sosyn kezdesýdi jalǵastyra almaı, jarys jolynan shyǵyp qalǵan bolatyn.
Júlde qory 226 750 AQSh dollaryn quraıtyn Nıýrnberg týrnıri 27 mamyrda márege jetpek.
