Tennıs: Pýtıntseva Nıýrnberg týrnıriniń shırek fınalyna shyǵa almady
ASTANA. QazAqparat - Qazaqstandyq ıÝlııa Pýtıntseva Nıýrnberg týrnıriniń ekinshi aınalymynda amerıkalyq Elıson Rıskemen kezdesti, dep habarlaıdy QazAqparat tilshisi.
Birinshi aınalymda álemniń 10-ynshy raketkasy, amerıkalyq Sloan Stıvensti jeńgen qazaqstandyq tennısshi matchty sátti bastap, 2:0 esebimen alǵa shyqty. Sodan keıin de oıyn tizginin ýysynan shyǵarmaı, basymdylyq kórsetti. Esep - 6:3.
Ekinshi sette Elıson 6:4 esebimen ese qaıyrdy.
Úshinshi, sheshýshi partııada amerıkalyq sportshy 5:2 esebimen alǵa ketti. Budan keıin ıÝlııa esepti 4:5-ke deıin qysqarta aldy. Áıtse de ózi dop bergen sátti paıdalana almaı, 4:6 esebimen jeńilip qaldy.
E.Rıske jartylaı fınalǵa shyǵý úshin rýmynııalyq Sorana Kyrstıamen talasady.
Sóıtip beısenbi kúni qazaqstandyq úsh tennısshiniń de joly bolmady.
Eske sala keteıik, budan buryn Zarına Dııas pen Mıhaıl Kýkýshkınniń jeńilip qalǵanyn jazǵan bolatynbyz.
