Tennıs: Pýtıntseva men Zarına Dııas Astana Open týrnırine qatysady
NUR-SULTAN. QazAqparat – Qazaqstandyqtar ıÝlııa Pýtıntseva men Zarına Dııas Nur-Sultanda 25 qyrkúıek – 2 qazan aralyǵynda elimizde alǵash ret ótetin Astana OpenWTA 250 týrnırine qatysady, dep habarlaıdy QazAqparat tilshisi.
Qazaqstan tennıs federatsııasy málim etkenindeı, álemniń 33- raketkasy ıÝ.Pýtıntseva men reıtıngte 110-orynda turǵan Z.Dııas osylaısha Ulttyq tennıs ortalyǵynyń korttarynda
óner kórsetpekshi.
Qatysýshylar qatarynda álemniń 52-raketkasy, reseılik Lıýdmıla Samsonova, buryn juptyq synda dúnıejúzilik reıtıngte kósh bastaǵan, «Úlken dýlyǵa» týrnırleriniń bes dúrkin jeńimpazy, frantsııalyq Krıstına Mladenovıch, jekeleı synda eki márte «Úlken dýlyǵa» dodasynyń fınalısi atanǵan reseılik Vera Zvonareva bar.
Halyqaralyq týrnırde sondaı-aq shvetsııalyq Rebekka Peterson, chehııalyq Tereza Martıntsova, belgııalyq Elıson Van Eıtvank, rýmynııalyq Irına-Kamelııa Begý,
slovenııalyq Polona Hertsog, horvatııalyq Ana Konıýh jáne basqa tennısshiler baq synaıdy.
Taǵy tórt sportshy negizgi týrnırge irikteý saıystary arqyly ótedi. Qalǵan tórteýi uıymdastyrýshylardan arnaıy shaqyrtý alady.
Jarystyń júlde qory 235 myń AQSh dollaryn quramaq.
Jekeleı synda chempıon atanǵan oıynshy 29 200, fınalıst 16 398 dollarǵa ıe bolmaq. Tipti alǵashqy aınalymda jeńilis tapqandardyń ózi qur ketpeı, 3 325 dollar almaq.
Juptyq synnyń jeńimpazdary 10 300, fınalıster 6 myń AQSh dollaryn bólip alady. Birinshi aınalymnan asa almaǵandar 1 750 dollardy bóledi.
Eske sala keteıik, budan buryn ıAroslava Shvedovanyń US Open týrnırinde qarsylasyna ese jibergenin, Aleksandr Býblıktiń ekinshi aınalymǵa ótkenin jazǵan bolatynbyz.
