Tennıs: Pýtıntseva men Dııas Tsıntsınnatı týrnıriniń úshinshi aınalymyna óte almady
NUR-SULTAN. QazAqparat – Qazaqstandyqtar ıÝlııa Pýtıntseva men Zarına Dııas Tsıntsınnatı (AQSh) WTA týrnıriniń úshinshi aınalymyna óte almady, dep habarlaıdy QazAqparat tilshisi.
Dúnıejúzilik reıtıngte 42-orynda turǵan ıÝ.Pýtıntseva álemniń 10-raketkasy, 2017 jylǵy US Open týrnıriniń jeńimpazy, amerıkalyq Sloan Stıvenspen kezdesti.
Eki saǵattan astam ýaqytqa sozylǵan tartysty básekede qazaqstandyq tennısshi matchti sátti bastady – 6:2. Áıtse de qalǵan eki sette S.Stıvens jeńiske jetti – 6:4, 6:3.
Reıtıngte 80-satydaǵy Zarına Dııas álemniń 22-raketkasy, taǵy bir amerıkalyq Sofııa Kenınmen kúsh synasty. Munda S.Kenın basymdylyq kórsetti – 6:4, 6:1.
18 tamyzda márege jetetin jarystyń shırek fınalyna shyǵý úshin S.Stıvens reseılik Svetlana Kýznetsovamen, al S.Kenın álemniń 7-raketkasy, ýkraınalyq Elına Svıtolınamen sheberlik baıqasady.
Endi tennısshilerimizge bıylǵy «Úlken dýlyǵa» dodasynyń sońǵysy, 26 tamyz – 8 qyrkúıek aralyǵynda Nıý-Iorkte ótetin US Open týrnırinde tabys tileımiz.
Eske sala keteıik, budan buryn Zarına Dııastyń Tsıntsınnatı týrnıriniń ekinshi aınalymyna shyqqanyn jazǵan bolatynbyz.
