Tennıs: Pýtıntseva Maıamı týrnıriniń shırek fınalyna shyǵa almady
NUR-SULTAN. QazAqparat - Qazaqstannyń birinshi, álemniń 44-raketkasy ıÝlııa Pýtıntseva Maıamı týrnıriniń tórtinshi aınalymynda chehııalyq Karolına Plıshkovamen kezdesti, dep habarlaıdy QazAqparat tilshisi.
Bul matchta álemniń 7-raketkasy K.Plıshkovanyń favorıt ekeni anyq-ty. Ol - ıÝ.Pýtıntsevaǵa qaraǵanda, boıy syryqtaı uzyn, eısiniń kóptigimen de erekshelenetin oıynshy.
Birinshi sette sátti óner kórsetken qazaqstandyq tennısshi 6:2 esebimen jeńiske jetti.
Ekinshi partııada esep 5:4 bolyp turǵan mezette chehııalyq sportshy breık jasaı bildi. Ol setke dop bergende, ıÝ.Pýtıntseva breık-poıntty paıdalana almady. Bul set K.Plıshkovanyń enshisine jazyldy - 6:4.
Úshinshi, sheshýshi setti chehııalyq tennısshi breıkpen bastap, óz geımin de aldy - 2:0. Esep 2:3 bolǵanda, qazaqstandyq sportshy qaıyra breık jasap, tarazy basyn teńestirdi. Degenmen K.Plıshkova urymtal sátte taǵy bir breıkpen alǵa shyqty - 6:5. Aqyry ol jeńis tizginin bergen joq - 7:5.
Eki saǵattan astam ýaqytqa sozylǵan asa tartysty báseke barysynda qarsylaastar alty retten breık jasady.
K.Plıshkova shırek fınalda taǵy bir chehııalyq, álemniń 59-raketkasy Marketa Vondrýsovamen kortqa shyǵady.
Eske sala keteıik, budan buryn ıÝ.Pýtıntsevanyń júlde qory 9 mln AQSh dollarynan asatyn Maıamı týrnıriniń úshinshi jáne tórtinshi aınalymyna shyqqanyn jazǵan bolatynbyz.
